Слонімскія рабочыя хранічна спазняюцца на аўтобус
Працаўнікам Слонімскай камвольна-прадзільнай фабрыкі часцяком даводзіцца пасля вячэрняй змены дабірацца дадому пешшу. Па марозе.
Графікі работы гарадскіх аўтобусаў і фабрыкі ў вячэрні час не супадаюць. Таму шмат супрацоўнікаў прадпрыемства на апошні аўтобус у горад не паспяваюць. Датрываўшы да зімы, камвольшчыкі звярнуліся са скаргай у рэдакцыю "Газеты слонімскай". Напэўна, у іншых інстанцыях ім дапамагчы не здолелі.
