Смерч сарваў купал царквы ў адной з вёсак Буда-Кашалёўскага раёна

Купал царквы і дахі з некалькіх дамоў сарваў смерч у вёсцы Глазаўка Буда-Кашалёўскага раёна. Часткова былі пашкоджаныя яшчэ некалькі дзясяткаў дамоў і гаспадарчых пабудоваў.
Таксама пашкоджаныя сем апор ліній электраперадач і 500 метраў электралініі. Чалавечых ахвяраў няма, на месцы надзвычайнага здарэння працуе спецыяльна створаная камісія, паведамляе БелаПАН.