Снуп Дог згодзен пакаяцца перад Брытанскімі уладамі

Знакамітаму рэперу Снупу Догу, які зараз гастарлюе па Еўропе, забаранілі ўезд у Вялікабрытанію. Хутчэй за ўсё, брытанцы вырашылі не пускаць Снуп Дога з-за інцыдэнта, які адбыўся ў красавіку мінулага году ў аэрапорце Хітроў, калі рэпер разам са сваім суправаджэннем распачаў бойку з аховай аэрапорту.

Тады Снуп быў арыштаваны па абвінавачванні ў парушэнні грамадскага парадку. Нагадаю, што не так даўно Снуп быў арыштаваны ў Швецыі па падазрэнні ў захоўванні і ўжыванні наркотыкаў.

Зараз мэнэджэры Снупа шукаюць любыя магчымасці, каб рэпер усё ж адыграў канцэрты, запланаваныя па раскладу, і нават збіраюцца звярнуцца па дапамогу да прэм’ер-міністра Вялікабрытаніі Тоні Блэра.

Як заявіў прэс-аташэ рэпера, “Снуп і яго каманда шчыра спадзяюцца на тое, што брытанскія ўлады адменяць сваё рашэнне і шоў адбудзецца ў запланаваны час.

Дог гатовы паразмаўляць з уладамі краіны і даць ім гарантыі, а каманда зробіць усё магчымае, каб пераканаць прэм’ер-міністра паўплываць на сітуацыю”.

Таксама ўжо існуе афіцыйная заяўва, што калі канцэрты Снупа ў Вялікабрытаніі адбудуцца, то ён ахвяруе частку прыбыткаў ад іх брытанскім дабарачынным фондам. Дадам, што ў Вялікабрытаніі запланавана пяць выступаў Снупа Дога.

Фата: www.terra.com.mx