Спявак Віктар Каліна папросіць у Лукашэнкі аб памілаванні

Спявак Віктар Каліна, які цяпер адбывае ў турме пяцігадовы тэрмін за махлярства, звернецца з просьбай аб памілаванні да Лукашэнкі. Пакуль пад яго зваротам збіраюць подпісы сябры выканаўцы песень у стылі шансон. Нагадаем, Каліна знаходзіцца за кратамі ўжо другі год. У лютым ён адзначыў 40-годдзе.

У сваім звароце Віктар Каліна паведамляе, што мае цяжкае захворванне і яму патрэбная тэрміновая аперацыя, а для гэтага яму трэба патрапіць на волю, інфармуе “Элетронный Борисов”.