С.Сідорскі едзе глядзець АЭС пад Саратавам

Прэм'ер-міністр Беларусі Сяргей Сідорскі выправіўся з візітам у Растоўскую і Саратаўскую вобласці Расіі.  Як паведамляе "Інтэрфакс", 22-24 верасня кіраўнік беларускага ўраду паўдзельнічае ў паседжанні працоўнай групы па супрацоўніцтве Беларусі з Растоўскай вобласцю. Прэм'ер мае намер наведаць камбайнавы завод "Ростсельмаш", Новачаркаскі электравозабудаўнічы завод.

У Саратаўскай вобласці С.Сідорскі азнаёміцца з працай Балакоўскай АЭС (г.Энгельс) і сустрэнецца з мясцовым губернатарам.