Станцыю "Няміга" у гадзіну пік учора паралізавалі сапёры

Забытая ў мінскім метро скрыня паралізавала працу станцыі "Няміга" у гадзіну пік. Аб гэтым карэспандэнту БЕЛТА паведамілі ў ГУЎС Мінгарвыканкама.

Як растлумачылі ў сталічнай міліцыі, каля 18.00-18.30 адна з пасажырак выявіла на станцыі безгаспадарчую скрынку і паведаміла аб гэтым вартавым парадку. На месца прыбыла сапёрна-піратэхнічная група, якая правярала станцыю не меней паўгадзіны. На гэты час міліцыя была змушаная перакрыць станцыю: цягнікі не высаджвалі пасажыраў, іншыя пасажыры не маглі зайсці на станцыю.

Выбухных прылад выяўлена не было, і станцыя працягнула працу ў звычайным рэжыме.