Студыя Warner Bros. паказала малодшага лорда Валдэморта

Студыя Warner Bros. прадставіла кадр з фільму "Гары Потэр і Прынц-паўкроўка", на якім паказаны Том Рэдл, будучы цёмны ўладар лорд Валдэморт. Паводле паведамлення Сomingsoon.ne, ролю Тома Рэдла выконвае Хіра Файнс-Ціфін (Hero Fiennes-Tiffin), пляменнік акцёра Ральфа Файнса, які іграе ў фільме дарослага Валдэморта.

Рэжысёрам карціны стаў Дэвід Етс, які зняў стужку "Гары Потэр і Ордэн Фенікса". У галоўных ролях у фільме занятыя Дэніэл Рэдкліф, Руперт Грынт, Эма Ўотсан, Хэлена Бонэм Картэр, Майкл Гэмбан, Алан Рыкман і іншыя акцёры.

Прэм'ера "Прынца-паўкроўкі", шостай карціны серыі, адбудзецца 21 лістапада 2008 году.

Фота: www.screenhead.com