Стваральнікі "Рэмба" здымуць прыквел "Трох мушкецёраў"

Кампанія Millennium Films ("Рэмба 4", "Чорная архідэя") здыме карціну пра сустрэчу сяброў-мушкецёраў Атоса, Партоса і Араміса, персанажаў знакамітага рамана Аляксандра Дзюма "Тры мушкецёра". Пра гэта паведамляе Variety. Персанаж Д'Артаньяна ў карціне зусім не з'явіцца альбо будзе ўведзены толькі ў працягу. Хто выступіць рэжысёрам і сцэнарыстам карціны - не паведамляецца.

Па матывах кнігі Аляксандра Дзюма было знята мноства фільмаў, аднак у Расіі найбольшай папулярнасцю заўсёды карыстаўся музычны тэлесерыял "Д’Артаньян і тры мушкецёры", што быў зняты ў 1978 годзе, а ў 1992 годзе выйшаў працяг - "Мушкецёры праз дваццаць гадоў". Мушкецёраў у фільмах сыгралі Міхаіл Баярскі, Веніямін Смехаў, Валянцін Смірніцкі і Ігар Старыгін.

Рэжысёрам серыяла выступіў Георгій Юнгвальд-Хількевіч, які цяпер здымае карціну Вяртанне мушкецёраў.

Фота: http://zigi-15h.livejournal.com/56201.html