Створаны аргкамітэт у падтрымку пацярпелых
Сёння ў Мінску створаны каардынацыйны камітэт грамадскай салідарнасці з палітвязнямі і пацярпелымі пасля падзеяў 19 снежня.
Пра гэта было аб'яўлена на прэсавай канферэнцыі ў штаб-кватэры партыі БНФ, паведамляе "Радыё свабода".
Сярод стваральнікаў аргкамітэту намеснік старшыні АГП Леў Марголін, намеснік старшыні руху "За Свабоду" Віктар Карніенка, старшыня Рады інтэлігенцыі Уладзімір Колас, старшыня БНФ Аляксей Янукевіч, ад незалежных прафсаюзаў – Генадзь Фядыніч, ад штабу Андрэя Саннікава -- Віктар Івашкевіч. Галоўная мэта аргкамітэту - каардынаваць намаганні па вызваленні палітвязняў, аказваць матэрыяльную і арганізацыйную дапамогу студэнтам, звольненым з універсітэтаў за ўдзел у акцыі 19 снежня.
У сваёй першай заяве аргкамітэт запатрабаваў паказаць людзям Някляева, дапусціць да яго адваката.
