Сёння адбудзецца прэзентацыя новай кнігі Уладзіміра Мацкевіча
Прэзентацыя новай кнігі філосафа Уладзіміра Мацкевіча "Пераацэнка каштоўнасцяў у культуры і гісторыі Беларусі" пройдзе сёння ў Галерэі сучаснага мастацтва "Ў".
Вось што распавёў пра сваю кнігу ў жывым эфіры Еўрарадыё Уладзімір Мацкевіч:
"Кніжка ўтрымлівае ў сабе разважанні з нагоды таго, што мы жывем у той час, калі не проста пераасэнсоўваецца гісторыя нацыі і краіны, а некалькі разоў перапісваецца. І вось як з пункту гледжання метадалогіі гісторыі і ўвогуле — метадалогіі навукі ставіцца да тагога перапісвання".
Мацкевіч таксама адзначыў, што адна з тэзаў кнігі — гэта тое, што кожнае пакаленне людзей заўсёды пераацэньвае гісторыю, "дзеля будычыні".
Акрамя прэзентацыі кнігі таксама адбудзецца дыскусія пра сучасную беларускую культуру.
