Сёння адзначаецца Сусветны дзень без тытуню

Сусветны дзень без тытуню адзначаецца 31 траўня. Сёлета ён прысвечаны папярэджванню пра шкоднасць тытуню для здароўя. Пра гэта паведамляе Рэспубліканскі цэнтр гігіены, эпідэміялогіі і грамадскага здароўя.
Як паведамляе БелаПАН, паводле звестак сусветнай арганізацыі аховы здароўя, канвенцыю якой па барацьбе супраць тытуню ратыфікавала Беларусь, паленне займае другое месца ў свеце ў спісе прычынаў заўчаснай смерці.

У Беларусі штогод ад хваробаў, звязаных з паленнем, памірае 15,5 тыс. чалавек. Па дадзеных Міністэрства аховы здароўя, у нашай краіне паліць 42% дарослага насельніцтва. Cярод маладых людзей ва ўзросце 15-19 гадоў — 44% паляць, а сярод моладзі 22-24 гадоў — 45%.