Сёння ў Беларусі пачынаецца рэгістрацыя абітурыентаў на сумоўе ў ВНУ
5 сакавіка ў Беларусі пачынаецца рэгістрацыя абітурыентаў для праходжання прафесійна-псіхалагічнага сумоўя ў ВНУ.
Падобнае выпрабаванне неабходна прайсці для паступлення на спецыяльнасці, да якіх прад'яўляюцца асаблівыя патрабаванні. Нагадаем, у адпаведнасці са змяненнямі Правілаў паступлення ў ВНУ, да такіх спецыяльнасцей аднесены: "дзяржаўнае кіраванне", "дзяржаўнае кіраванне і права", "дзяржаўнае кіраванне і эканоміка", "міжнародныя зносіны", "міжнароднае права", "правазнаўства", "эканамічнае права", "журналістыка", "міжнародная журналістыка", "мытная справа".
Сумоўе праводзіцца пры паступленні на ўсе формы атрымання вышэйшай адукацыі. Дакументы прымаюцца ВНУ з 5 па 31 сакавіка ўключна. Для ўдзелу ў сумоўі абітурыент мае права зарэгістравацца па адной спецыяльнасці не больш за адзін раз. Гутаркі ў ВНУ пройдуць з 5 па 30 красавіка.
У склад камісіі ўводуць прадстаўнікі кіраўніцтва ВНУ, прафесары, дацэнты, выкладчыкі, псіхолагі, сацыяльныя педагогі, а таксама спецыялісты адпаведных галін эканомікі і сацыяльнай сферы краіны. Рашэнне аб выдачы рэкамендацыі для паступлення будзе прымацца большасцю галасоў. Пры гэтым інстытута апеляцыі пры праходжанні сумоўя не прадугледжана.
БелаПАН
Падобнае выпрабаванне неабходна прайсці для паступлення на спецыяльнасці, да якіх прад'яўляюцца асаблівыя патрабаванні. Нагадаем, у адпаведнасці са змяненнямі Правілаў паступлення ў ВНУ, да такіх спецыяльнасцей аднесены: "дзяржаўнае кіраванне", "дзяржаўнае кіраванне і права", "дзяржаўнае кіраванне і эканоміка", "міжнародныя зносіны", "міжнароднае права", "правазнаўства", "эканамічнае права", "журналістыка", "міжнародная журналістыка", "мытная справа".
Сумоўе праводзіцца пры паступленні на ўсе формы атрымання вышэйшай адукацыі. Дакументы прымаюцца ВНУ з 5 па 31 сакавіка ўключна. Для ўдзелу ў сумоўі абітурыент мае права зарэгістравацца па адной спецыяльнасці не больш за адзін раз. Гутаркі ў ВНУ пройдуць з 5 па 30 красавіка.
У склад камісіі ўводуць прадстаўнікі кіраўніцтва ВНУ, прафесары, дацэнты, выкладчыкі, псіхолагі, сацыяльныя педагогі, а таксама спецыялісты адпаведных галін эканомікі і сацыяльнай сферы краіны. Рашэнне аб выдачы рэкамендацыі для паступлення будзе прымацца большасцю галасоў. Пры гэтым інстытута апеляцыі пры праходжанні сумоўя не прадугледжана.
БелаПАН
