Take That больш не чакаюць Робі Уільямса

Удзельнікі ўз’яднанага летась бойз-бэнда Take That зявілі, што стаміліся чакаць вяртання Робі Уільямса, і больш не разлічваюць на яго паслугі. Нагадаю, што ў 2006-м годзе Робі атрымаў запрашэнне прыняць удзел у рэюніяне папулярнага ў 90-х поп-гурта, аднак праігнараваў яго, і вырашыў не адрывацца ад сольнай кар'еры.

Тым не менш, музыкі Take That усё жа спадзяваліся, што Уільямс перадумае.

Сам Робі выступаў у ролі сабакі на сене, і не казаў ні "так", ні "не".

Не дзіўна, што Take That стаміліся ад такой нявызначанасці. Да таго ж, музыкі паспелі зразумець, што і без Уільямса яны цалкам здольныя выступаць.

Дадам, што зараз гурт знаходзіцца ў паспяховым туры ў падтрымку свайго новага альбома "Beautiful World".

Дарэчы гэты дыск, які быў выдадзены ў 2006, пяць тыдняў пратрымаўся на вяршыні брытанскага чарта і на сённяшні дзень прададзены накладам больш за 2 мільёны асобнікаў.

Сольная ж кар'ера Робі зараз перажывае не лепшыя дні.

Фота: guardian.co.uk