Тэлеканал “Белсат” адзначыў дзень нараджэння (фота)
10 снежня святкавалі шостую гадавіну ад пачатку існавання тэлеканалу.
З гэтай нагоды журналісты і простыя гледачы тэлеканалу сабраліся разам у варшаўскім клубе ”DZIK”. Акрамя афіцыйнай часткі святкавання прысутных чакаў канцэрт. На ім выступілі два беларускія гурты — “Разбітае сэрца пацана” і “Адзіс Абеба”.
Беларускамоўны канал спадарожнікавага тэлебачання “Белсат” вяшчае з 2007 года. Канал пачаў выходзіць у эфір 10 снежня, у міжнародны Дзень правоў чалавека.
