Том Круз агучыць ліхадзея ў чацвёртым "Шрэке"

Том Круз можа агучыць аднаго з персанажаў чацвёртай часткі "Шрэка" ("Shrek Goes Fourth") студыі DreamWorks.  Паводле паведамлення Сinemablend, калі перамовы акцёра і DreamWorks скончацца поспехам, то голасам Круза ў фільме рэжысёра Майка Мітчэла загаворыць адзін з ліхадзеяў.

Сinemablend адзначае, што Мітчэл з'яўляецца фанатам Круза. Выданне піша, што пра чацвёртую частку "Шрэка" практычна нічога не вядома. Магчыма, у карціне будзе распавядацца пра юнацтва зялёнага людаеда і пра тое, як ён патрапіў у сваё балота.

Мяркуецца, што Шрэка зноў агучыць Майк Маерс.

Нагадаем, што "Шрэк Трэці" выйшаў у сусветны пракат у 2007 годзе, зарабіўшы 798 мільёнаў долараў.

Фота: justjared.buzznet.com