Творчасць The Killers ацаніла Тавараыства кампазітараў

Рокеры The Killers атрымаюць адмысловую ўзнагароду ад Амерыканскага Таварыства кампазітараў і выдаўцоў (ASCAP) – за пашырэнне межаў сучаснай музыкі.  Vanguard Award будзе ўручаная музыкам у межах цырымоніі ўзнагароджання, якая адбудзецца 21 красавіка ў Галівудзе. Раней уладальнікамі «Авангарднай» прэміі станавіліся Б’ёрк (Bjork), Бэк (Beck), Nine Inch Nails, Beastie Boys, Modest Mouse і The Strokes.

Традыцыйна падчас узнагароджання ASCAP адзначаюць таксама лепшага сонграйтэра года, лепшую песню і лепшага выдаўца года. Сёлета ўзнагароды будуць прысуджацца ў 27-ы раз.

Вядома, што яшчэ адну адмысловую прэмію - Founders Award, якую ўручаюць за неацэнны ўнёсак у развіццё сучаснай культуры, - атрымае рок-паэтка і хросная маці панк-рока Пэці Сміт (Patti Smith).

Фота: blogs.ocweekly.com