У аграгарадку ў Аршанскім раёне забілі праваслаўнага святара
У здзяйсненні злачынства падазраецца малады чалавек, якім святар апекаваўся і якому дазволіў жыць у сваім доме.
Як паведамляе БЕЛТА, забойства айца Аляксандра (Марозава) адбылося ўчора позна ўвечары ў аграгарадку Смаляны. Злачынства расследуе Следчы камітэт.
БелаПАН дадае, што загінулы святар добраўпарадкаваў тэрыторыю каля царквы, пабудаваў падземны храм. Ён таксама ўдзельнічаў у правядзенні мастацкага пленэру ў Смалянах, дапамагаў валанцёрам, якія даследавалі гісторыю вёскі і былога каталіцкага кляштара дамініканаў.
