У аўтааварыі пад Навагрудкам загінулі чатыры чалавекі
У адносінах аднаго з кіроўцаў распачатая крымінальная справа.
У Навагрудскім раёне адбылася страшэнная аўтааварыя. Раніцай у суботу каля вёскі Мількавічы 52-гадовы кіроўца "КІА", які рухаўся ў бок Ліды, парушыў бяспечную дыстанцыю і сутыкнуўся са спадарожным "Нісанам". Ад удару першы аўтамабіль выкінула на сустрэчную паласу руху, дзе адбылося лабавое сутыкненне з "Фольксвагенам Гольфам".
Як паведамляе прэс-служба ДАІ Гродзенскай вобласці, у салоне "Фольксвагена" знаходзіліся 5 чалавек. У выніку аўтааварыі кіроўца і 2 пасажыры памерлі на месцы здарэння, яшчэ адзін пасажыр — ужо ў бальніцы. Траўмы атрымалі яшчэ два чалавекі — пасажыры абодвух легкавікоў.
Кіроўца "КІА" не пацярпеў. У яго адносінах распачалі крымінальную справу.
Фота — ДАІ
