У Баранавічах у жылым доме адбыўся выбух
У Баранавічах у адным з
двухкватэрных жылых дамоў выбухнуў ацяпляльны кацёл. Пра гэта паведаміў
кіраўнік прэс-службы Брэсцкага абласнога ўпраўлення Міністэрства па
надзвычайных сітуацыях Сяргей Машноў.
Ратавальнікі, якія прыбылі на месца
здарэння, выявілі, што ацяпляльны кацёл на цвёрдым паліве выбухнуў з-за
павышанага ціску, што ўтварыўся ў выніку замярзання вады ў расшыральным бачку.
Кацёл быў устаноўлены ў прыбудове да кватэры, якая належыць 35-гадоваму
мужчыне. Раніцай гаспадар распаліў кацёл і пайшоў на працу. Выбухам разбурана
вонкавая сцяна прыбудовы. На момант выбуху ў доме нікога з жыльцоў не было.
