У Баранавіцкім раёне пад коламі аўтобуса загінуў мужчына
Здарэнне адбылося каля вёскі Паўлінава, асоба загінулага высвятляецца.
На 197-м км аўтадарогі Брэст-Мінск-мяжа Расійскай Федэрацыі непадалёк ад вёскі Паўлінава 35-гадовы жыхар Мінска, які кіраваў аўтобусам “Сетра”, 9 жніўня каля 2 гадзін ночы наехаў на мужчыну, які ад атрыманых траўмаў памёр на месцы. Асоба загінулага высвятляецца, паведамляе сайт ДАІ Брэсцкай вобласці.
Аўтобус з пасажырамі рухаўся ў напрамку Мінска і належыць аднаму з транспартных прадпрыемстваў сталіцы. Па факце здарэння праводзіцца праверка.
Фота: gomelauto.com
