У Барысаве эвакуявалі амаль 70 чалавек з гіпермаркета

З-за падазронага пакета з барысаўскага гіпермаркета былі эвакуяваны 69 чалавек. Пра гэта карэспандэнту БЕЛТА паведамілі ў прэс-службе Мінскага абласнога кіравання МНС. Увечары 27 студзеня ў МНС паступіла паведамленне, што на аўтамабільнай стаянцы побач з  гіпермаркетам "Родны кут" у Барысаве выяўлены падазроны пакет, пакінуты кімсьці без нагляду.

З улікам нядаўняга выбуху ў Дамадзедава і ўзмацнення мер бяспекі ў Беларусі, пакінуты без нагляду пакет выклікаў павышаную цікавасць у праваахоўнікаў.

Сіламі працаўнікоў МНС і РУУС месца, дзе выявілі пакет, было ачэплена ў радыусе 30 м. З гіпермаркета эвакуяваны 69 наведвальнікаў і супрацоўнікаў. Часова прыпынены рух аўтатранспарту па вуліцы Будаўнікоў.

"Пры абследаванні ўсталявана, што ў пакеце знаходзіліся прадукты" , - распавялі ў МНС.