У Беларусь не пусцілі віцэ-старшыню Парламенцкай асамблеі савета Еўропы

Віцэ-старшыні Парламенцкай асамблеі савета Еўропы і віцэ-спікеру эстонскага парламента Крыйсціне Оюланд адмовілі ў выдачы беларускай візы.
У чацвер і пятніцу яна планавала наведаць нашу краіну, паведамляе сайт novosti.err.ee. Падчас свайго візіту Крыйсціна Оюланд збіралася сустрэцца з прадстаўнікамі некаторых апазіцыйных рухаў. На яе думку, менавіта з-за гэтага ёй адмовілі ў выдачы візы.

"Беларускі рэжым у чарговы раз даказаў, што жаданне палепшыць адносіны з краінамі Захаду толькі словы, да якіх нельга ставіцца сур'ёзна", - заявіла Крыйсціна Оюланд.