У Беларусь прывязуць гандбольны Кубак чэмпіёнаў

Беларускія заўзятары, верагодна, змогуць на свае вочы пабачыць трафей, які ўручаецца пераможцу гандбольнай Лігі чэмпіёнаў. Кіраўніцтва гандбольнага клуба "Дынама-Мінск" ужо дасягнула прынцыповай дамоўленасці з іспанскім "Сьюдадам Рэалем", каб прывезці Кубак чэмпіёнаў у Мінск. На цяперашні момант засталося ўзгадніць толькі канчатковыя тэрміны, адзначае "Прессбол".

Нагадаем, што гандбалісты іспанскага клуба "Сьюдад Рэаля" сталі ўладальнікамі Лігі чэмпіёнаў, па суме двух фінальных матчаў абыграўшы нямецкі "Кіль".