У Беларусі на звалку вывезлі 2,5 мільярдаў долараў

2,5 мільярдаў долараў штогод вывозіцца на звалкі ў Беларусі. Менавіта столькі можна атрымаць за каштоўныя кампаненты адыходаў, якія пакуль не выкарыстоўваюцца.  Як паведамляе газета "Рэспубліка", пакуль у нашай краіне паўторна ідзе ў справу толькі 15-18% сыравіны, тое, што можна ўзяць без асаблівых высілкаў, бо астатняе патрабуе глыбокай перапрацоўкі і сур'ёзных інвестыцый.

Аднак да 2015 года збор і прыцягненне ў гаспадарку другаразовай сыравіны ў Беларусі мусіць павялічыцца да 40%, што дасць у скарбонку 150-170 мільёнаў долараў штогод.