У Беларусі пачалі рыхтаваць кадры для касмічнай галіны

Цэнтр аэракасмічнай адукацыі з’явіўся ў Беларускім дзяржаўным універсітэце. Ён будзе рыхтаваць кадры для касмічнай галіны. На сённяшні дзень патрэба ў маладых спецыялістах складае каля 60 чалавек на год.
Цэнтр аэракасмічнай адукацыі мае неабходнае абсталяванне для прыёму і апрацоўкі інфармацыі са спадарожнікаў. Цяпер студэнты асвойваюць праграмы моладзевых спадарожнікаў і ўдзельнічаюць у маніторынгу зямной флоры і фаўны, паведамляе тэлеканал ОНТ.