У Беларусі ў кастрычніку могуць падаражэць электрычкі

Беларуская чыгунка мае намер узгадніць з Міністэрствам эканомікі павышэнне платы за праезд у прыгарадным транспарце.
Калі рашэнне будзе прынятае, тады тарыф адной зоны вырасце з цяперашніх 440 рублёў да 520 рублёў. Мяркуецца, што падаражанне праезду ў электрычках адбудзецца ў кастрычніку.

Беларуская чыгунка нагадвае, што і надалей кошт на праезд будзе рэгулярна павышацца — на 10-16% штогод. Аднак кошт праезду адной зоны да 2010 года не перавысіць 800 рублёў, паведамляе “Народная газета”.