У Беларусі ўпершыню пройдзе міжнародная выстава нерухомасці

Міжнародная спецыялізаваная выстава "Нерухомасць і інвестыцыі - 2009" упершыню пройдзе ў Беларусі з 20 па 23 траўня.
Наведвальнікі выставы змогуць азнаёміцца з найбольш актуальнымі прапановамі па продажы і арэндзе кватэр, як у новабудоўлях, так і на другасным рынку жылля, прычым не толькі ў Беларусі, але і за мяжой.

Таксама будзе шырока прадстаўленая і камерцыйная нерухомасць. У выставе возьмуць удзел вядучыя забудоўшчыкі і агенцтвы нерухомасці, спецыялісты, кампаніі, што прадстаўляюць кансультацыйныя паслугі, фундатары, банкі, страхавыя кампаніі і прадстаўнікі прэсы.

“Інтэрфакс”