У Беларусі зафіксаваны новы тэмпературны рэкорд

Новы тэмпературны рэкорд дня за ўвесь перыяд метэаназіранняў зафіксаваны ў Беларусі 27 лютага. Як паведамляе Рэспубліканскі гідраметэацэнтр, у Брагіне на Гомельшчыне слупок тэрмометра ўзняўся да адзнакі 16,5 градуса цяпла.  Папярэдні рэкорд быў зарэгістраваны ў 2002 годзе і раўняўся 13,6 градусаў вышэй за нуль. Такая тэмпература таксама была адзначана ў Брагіне.

Цяперашні рэкорд аказаўся блізкім да максімальных адзнак для ўсяго лютага, але не перавысіў іх. У 1990 годзе ў Брэсце было зафіксавана 16,9 градуса цяпла 25 лютага і 17,2 градуса 21 лютага.

БелаПАН