У Беларусі зменіцца падыход да прызначэння пенсій

У Беларусі зменіцца падыход да прызначэння пенсій. Ён стане дыферэнцыраваным.  У Міністэрстве працы і сацыяльнай абароны зараз прапрацоўваецца новы законапраект аб пенсійным забеспячэнні насельніцтва. Чакаецца, што будзе выключана так званая «ураўнілаўка» ў пенсіях.

Гэтаму пасадзейнічае персаніфікаваны ўлік, які вядзецца з 2003 года, а таксама сістэма пенсійных і страхавых унёскаў.

Нагадаем, паводле Праграмы сацыяльна-эканамічнага развіцця Беларусі, сярэднестатыстычны пенсіянер праз тры гады будзе атрымліваць каля 500 тысяч рублёў. Зараз сярэдняя пенсія ў Беларусі складае каля 300 тысяч рублёў.

ОНТ