У Беларусі зразаюць "замкі кахання" пасля абвальвання моста ў Парыжы

Нагадаем, што на пачатку чэрвеня Мост Мастацтваў насупраць Луўра ў цэнтры Парыжа стаў ахвярай маладых. Кавалак кратаў працягласцю каля 2,4 метра зваліўся ў пешаходную зону, бо не вытрымаў дзясяткаў тысяч "замкоў кахання".

Масты ў беларускіх гарадах пакуль не абвальваліся пад цяжарам вясельных замкоў. Аднак камунальнікі вырашылі прыняць меры, паведамляе interfax.by. Напрыклад, на днях у Брэсце адміністрацыя парку "зачысціла" мост на "Востраў закаханых", дзе закаханыя рэгулярна пакідалі замкі. Канструкцыя агароджы не разлічаная на такую нагрузку — метал разбураецца.

У Мінску закаханыя акупавалі масты ў парку Горкага, непадалёк ад Нацыянальнай бібліятэкі і ля Вострава слёз. Работнікі УП "Гараўтамост" перыядычна зразаюць там замкі і здаюць у металалом.

Фота — interfax.by