У Беларусі з’явяцца інвестыцыйныя агенты

Гэта прадугледжана ўказам прэзідэнта, прынятым у мэтах удасканалення форм работы з інвестарамі і далейшага павышэння інвестыцыйнай прывабнасці краіны, перадае БелаПАН.
Інвестыцыйным агентам можа быць вызначана як фізічная, так і юрыдычная асоба.

Прапанова аб вызначэнні канкрэтнай асобы інвестыцыйным агентам можа быць унесена ў Савет міністраў любым рэспубліканскім органам дзяржаўнага кіравання і іншай дзяржарганізацыяй, а таксама абласным выканаўчым камітэтам "на падставе звароту патэнцыяльнага інвестыцыйнага агента".

Рашэнне аб ўпаўнаважанні інвестыцыйнага агента на прадстаўленне інтарэсаў Беларусі прымаецца ўрадам.