У беларускіх ВНУ падвысілі аплату за навучанне
Ад 24 снежня 2010 года ў Беларускім дзяржаўным эканамічным універсітэце падвысілі кошт навучання. Адпаведны загад апублікаваны на сайце ўніверсітэта.
У сярэднім кошт навучання ўзрос на 15%. Так, студэнты 1-2 курса дзённай формы навучання па групе спецыяльнасцяў 1 цяпер будуць плаціць не 3 862 470 рублёў, а 4 416 820 рублёў. Аналагічныя змены закранулі і астатнія тарыфы.
Сваё рашэнне адміністрацыя ВНУ тлумачыць змяненнем тарыфнай стаўкі першага разраду, якая ад лістапада ўзрасла з 90 тысяч да 118 тысяч рублёў. Як паведамляе сайт Хартыі’97, кошт навучання ўзрост і ў іншых ВНУ краіны.
