У беларускім самалёце спрацаваў сігнал аб разгерметызацыі салона

Сігнал аб разгерметызацыі салона быў зафіксаваны ў самалёце “Белавія” на рэйсе Берлін-Мінск. На борце знаходзіліся 27 пасажыраў. Сігнал паступіў да пілотаў амаль адразу пасля ўзлёту. На вышыні 10 тысяч метраў разгерметызацыя небяспечная для жыцця. Лётчыкі прынялі рашэнне апусціць авіялайнер да 3 тысяч метраў.

Пазней высветлілася, што трывога аказалася непраўдзівай. Разгерметызацыі салона не было, паведамляе тэлеканал ОНТ.