У цэнтры Мінску з'явіцца бясплатны аўтобус

Бясплатны аўтобус з'явіцца ў цэнтры Мінску. Ён будзе курсіраваць па праспекце Незалежнасці паміж станцыямі метро "Плошча Леніна" і "Плошча Перамогі". Патрэба ў з'яўленні такога аўтобуса выклікана часовым закрыццём станцыі метро "Кастрычніцкая".  З чэрвеня пачнецца рэканструкцыя перасадачнага вузла сталічнага метро, замест трох эскалатараў там усталююць чатыры. Таму пасажырам метро давядзецца выходзіць на паверхню, каб частку шляху праехаць у наземным транспарце.

Мяркуецца, што рэканструкцыя "Кастрычніцкай" закончыцца восенню.

БЕЛТА