У Цнянскім вадасховішчы ізноў дазволілі купацца

У Мінску Цнянскае вадасховішча ізноў адкрыта для купання. Як паведамілі ў сталічным цэнтра гігіены і эпідэміялогіі, праведзены мікрабіялагічны аналіз проб вады паказаў яе адпаведнасць санітарна-гігіенічным нормам.
Нагадаем, з 13 чэрвеня з-за кепскай якасці вады для купання былі закрытыя вадасховішчы Цнянскае, Дразды, Заслаўскае і Камсамольскае возера. У гэтых вадаёмах зафіксавана перавышэнне ўтрымання мікраарганізмаў, якія паказваюць на верагоднасць прысутнасці хваробатворных бактэрый.

Разам з тым самі хваробатворныя мікраарганізмы не выяўленыя. Такім чынам, санітарна-эпідэміялагічная служба сталіцы не рэкамендуе купацца ў трох вадаёмах - вадасховішчах Дразды, Заслаўскае і Камсамольскім возеры.

БЕЛТА