У Драгічыне праходзіць фэст духоўных спеваў

VI фэст праваслаўных духоўных спеваў "Спявайце Богу нашаму – спявайце..." праходзіць сёння ў Драгічыне Брэсцкай вобласці. Ён арганізаваны Брэсцкай дыяцэзіяй і Драгічынскім райвыканкамам.

Фэст традыцыйна праводзіцца ў перыяд 40-дзённага святкавання Вялікдня. Галоўнай яго тэмай з'яўляюцца велікодныя спевы. На сцэне драгічынскага Дома культуры выступяць 18 хораў нядзельных школ і два – дзіцячых школ мастацтваў з Пружан і Драгічына.