У Драгічынскім раёне прарвала магістральны нафтаправод (фота)
Узгарання нафтапрадуктаў не было. Пацярпелых таксама няма.
Як паведамляе прэс-служба МНС, уначы 31 жніўня побач з вёскай Скібічы адбыўся прарыў магістральнага нафтаправода “Мазыр — Брэст”, які належыць прадпрыемству “Гомельтранснафта Дружба”. Па ацэнцы спецыялістаў, на ўчастак плошчаю 1,2 гектара вылілася каля пяці кубаметраў нафты.
Цяпер на месцы здарэння працуюць 16 адзінак тэхнікі і 43 работнікі, якія ліквідуюць прарыў трубы, збіраюць нафту і забруджаную глебу.
