У Эстоніі забіты яшчэ адзін дэманстрант
Згодна са звесткамі расійскіх журналістаў, у Інтэрнэце з'явіўся ліст, які распаўсюджваецца ўдзельнікамі арганізацыі “Начная варта” ў абарону помніка савецкім салдатам.
“Адзін з затрыманых у Таліне чальцоў
арганізацыі здолеў уначы патэлефанаваць свайму сябру. Ён сказаў, што каля 100
чалавек утрымліваюцца ў Марскім тэрмінале, - сказала карэспандэнтка тэлеканала “Россия”,
на якую спасылаюцца “Новые Известия”. - Ва ўсіх звязаныя рукі, чуюцца крыкі,
лямант, людзей збівае паліцыя, дубінкамі і нагамі. Проста ў яго на вачах да
смерці забілі маладога чалавека”.
Раней паведамлялася, што ў ноч з чацвярга
на пятніцу быў забіты малады чалавек. Пазней высвятлілася, што ён быў
грамадзянінам Расіі. Улады Эстоніі дагэтуль не паведамілі расійскаму боку
прозвішча памерлага і акалічнасці здарэння.
