У фільма "Рокі" з'явіцца працяг

Кіраўнік студыі MGM Монік Парэнт заявіла на Канскім кінафэсце, што ў франшызы "Рокі" можа з'явіцца працяг.
Як паведамляе Moviehole, гэта будзе ўжо сёмая карціна серыяла, прысвечанага баксёру Рокі Бальбоа.

Нагадаем, што ў 2006 годзе Сільвестр Сталонэ напісаў сцэнар і зняў фільм "Рокі Бальбоа", шостую частку кінасерыяла "Рокі".

Карціна студыі MGM сабрала ў пракаце 70 мільёнаў долараў пры бюджэце ў 24 мільёны.

Першы фільм, у якім з'явіўся Рокі, быў зняты па сцэнары Сталонэ ў 1976 годзе рэжысёрам Джонам Эвілдсэнам. Карціна заваявала тры прэміі "Оскар".

Фота: www.whatwouldtotowatch.com