У Ганцавіцкім раёне паляўнічыя знайшлі ў лесе чалавечы чэрап

Чалавечы чэрап знайшлі паляўнічыя ў лесе ў 12 кіламетрах ад вёскі Хатынічы Ганцавіцкага раёна Брэсцкай вобласці. Яны адразу ж паведамілі ў міліцыю пра страшную знаходку.  Міліцыянты тры гадзіны з вялікімі цяжкасцямі дабіраліся да месца, дзе ляжалі астанкі чалавека. Зараз праваахоўныя органы высвятляюць, хто мог загінуць у ганцавіцкім лесе.

Мяркуецца, што гэты чалавек пайшоў ў ягады ці грыбы і заблукаў, ён можа знаходзіцца ў ліку прапаўшых без вестак, паведамляе газета “Звязда”.