У Гарадоцкім раёне гноем атруцілі рыбу

Эколагі Віцебшчыны падлічваюць страты ад выкіду гноевых сцёкаў у выніку прарыву калектара на ачышчальных збудаваннях сельскагаспадарчага прадпрыемства “Паўночны” Гарадоцкага раёна. Сцёкі трапілі ў балота, з якога па рацэ Чарноўская даплылі да возера Баранаўскае. У выніку гэтага ў возеры загінула рыба. Паводле слоў начальніка аддзела абласной інспекцыі аховы жывёльнага і расліннага свету Фелікса Шабана, многія жывёлагадоўчыя фермы Віцебшчыны нясуць сапраўдную пагрозу усяму жывому, што водзіцца ў навакольных вадаёмах. Толькі з пачатку бягучага года за парушэнне норм экалагічнай бяспекі складзена 73 пратаколы.

Ядвіга Сташэўская, Еўрарадыё, Віцебск.