У гаражы ў мінчука знашлі каля 4500 бляшанак ікры

Падатковыя інспектары Маскоўскага раёна падчас рэйду знайшлі ў гаражы мінчука амаль 4500 слоікаў ікры і 20,5 кг морапрадуктаў. Агульная сума тавараў склала 870,5 млн руб.

Як пішуць "Мінск-навіны", ікру і морапрадукты мінчук збіраўся прадаваць. Выявілася, што мужчына займаўся прадпрымальніцкай дзейнасцю без дзяржаўнай рэгістрацыі. Яго даход з прададзенага тавару ўжо склаў больш за 128 млн рублёў.

Эканамічны суд Мінска аштрафаваў мужчыну на 7,5 млн рублёў. Акрамя таго, у яго канфіскавалі тавар і незаконна атрыманы прыбытак.

Фота — minsknews.by