У Гарошкаве ў Рэчыцкім раёне адзначылі дзень народзінаў паэта Анатоля Сыса

У Гарошкаве ў Рэчыцкім раёне прайшло свята паэзіі, прымеркаванае да дня народзінаў таленавітага беларускага паэта Анатоля Сыса (1959 - 2005). Яго арганізавалі Саюз беларускіх пісьменнікаў і рэдакцыя часопіса “Дзеяслоў”.  У свяце прынялі ўдзел аднавяскоўцы паэта, яго сваякі, сябры. У Гарошкава прыехалі Эдуард Акулін, Леанід Дранько-Майсюк, Алесь Пушкін, Барыс Пятровіч. Да магілы Анатоля Сыса былі ўскладзеныя кветкі, а пасля каля яго дома чыталіся вершы.

Мастак Алесь Пушкін прадставіў сваю новую карціну, а архітэктар Генадзь Лойка – праект помніка паэту, які плануецца ўсталяваць у траўні 2008 года.

БелаПАН