У Гомелі на маршруце загарэўся гарадскі рэйсавы аўтобус (фота, відэа)
Кіроўца паспеў высадзіць пасажыраў да таго, як агонь дабраўся да салона.
Здарэнне адбылося каля 7.30 24 кастрычніка на маршруце №22 "5 мікрараён - ЗЛіН". Кіроўца паспеў высадзіць пасажыраў да таго, як у салоне ўспыхнуў пажар, паведамілі ў прэс-службе Гомельскага абласнога ўпраўлення МНС.
Паводле папярэдняй інфармацыі, у раёне прыпынку "Стадыён "Лакаматыў" у аўтобусе пачалося задымленне. Кіроўца спыніўся і паспеў выпусціць людзей. Практычна адразу ж пасля гэтага адбылося ўзгаранне ў маторным адсеку аўтобуса, які знаходзіцца пасярэдзіне транспартнага сродку. Пацярпелых няма, паведамляе БелТА.
Ратавальнікі аператыўна ліквідавалі ўзгаранне. У выніку пажару маторны адсек аўтобуса выгарэў цалкам.
Фота odsgomel.org
