У гомельскай лякарні хворым далі ртуць на талерках

Пацыенты лор-аддзялення адной з лякарняў Гомеля падчас абеду ў сталовай 14 верасня выявілі ртуць у сваіх талерках. Пра гэта яны паведамілі ў міліцыю.
На месца здарэння выехалі выратавальнікі ды міліцыянты, паведамляе БелаПАН.

Выявілася, што ў раздатачным памяшканні лопнула колба ртутнага тэрмометра. Выратавальнікі знайшлі ртуць вагой больш за 1 грам у трох талерках.

Цяпер праводзіцца праверка.