У Грузіі выратавалі беларускага альпініста на гары Ушба

Грузінскія выратавальнікі эвакуявалі з гары Ушба беларускага альпініста, які ўчора трапіў у бяду падчас узыходжання. Ён падымаўся на гару разам са сваім напарнікам-земляком, які сарваўся ўніз і загінуў.

Эвакуяваны альпініст не атрымаў ніякіх цялесных пашкоджанняў і яго стан характарызуецца як стабільны, паведамляе інтэрнэт-выданне “Навіны-Грузія”.

Нагадаем, што некалькі дзён таму на Каўказе загінуў яшчэ адзін беларускі альпініст: 64-гадовы мужчына ўзыходзіў на гару Джангітаў у Кабардына-Балкарыі ў складзе групы альпіністаў і сарваўся з вышыні 3,5 тысячы метраў.

Фота: photos.sakhalin.name