У Кіеве затрымалі беларуса-кантрабандыста

У Кіеве затрымалі беларуса, якога падазраюць у арганізацыі паставак у Беларусь буйных партый кантрабандных тавараў.  Ён дзейнічаў у складзе злачыннай групы і мае непасрэднае дачыненне да гучнай “справы мытнікаў”, якую зараз расследуе Генеральная пракуратура нашай краіны.

Праз беларускую мытню пад выглядам будаўнічых матэрыялаў перапраўляліся партыі кампутараў, а пад выглядам марожанай гародніны — мясная прадукцыя. Страты, якія былі нанесеныя дзяржаве, ацэньваюцца ў дзесяткі мільярдаў рублёў.

Зараз завяршаецца разгляд першай часткі гэтай справы ў адносінах 22 чалавек, сярод якіх 9 супрацоўнікаў мытні. Расследаванне другой часткі крымінальнай справы яшчэ працягваецца. Па ёй праходзяць 50 чалавек, палова з якіх – былыя мытнікі.

ОНТ