У Кобрыне кампрэсар застрэліў чалавека

Трагічны выпадак адбыўся ў адкрытым акцыянерным таварыстве "Кобрынаграмаш".  57-гадовы майстар-кампрэсаршчык вырашыў адрамантававаць стары кампрэсар, які быў уключаны. Раптам адна з дэталяў абсталявання не вытрымала ціску і з вялікай хуткасцю адляцела ад кампрэсара.

Дэталь, памерам з мабільны тэлефон, трапіла майстру ў грудзі ў раён сэрца. Ад моцнага ўдару мужчына ўпаў на падлогу. Дэталь нанесла чалавеку цяжкія пашкоджанні і ён памёр яшчэ да прыезду "хуткай дапамогі". Цяпер пракуратура высвятляе абставіны здарэння.

Аляксей Мурланаў, Еўрарадыё, Брэст