У Лондане абваліўся дах тэатра, каля 90 пацярпелых
Прынамсі 88 чалавек атрымалі раненні пры абрынанні даху ў лонданскім тэатры Apollo.
Не менш за сямёра з іх сур'ёзна параненыя, перадае ВВС. Па звестках медыкаў, 76 пацярпелых у стане хадзіць самастойна.
Лонданская пажарная служба інфармуе, што ўсіх, хто апынуўся пад заваламі, удалося выратаваць. На момант абрынання ў будынку тэатра знаходзілася каля 700 чалавек.
Інцыдэнт адбыўся ўвечары 19 снежня. Адзін з відавочцаў паведаміў, што ўвесь купал тэатра літаральна абрынуўся на гледачоў у партэры. Падчас здарэння тэатр быў запоўнены гледачамі, якія прыйшлі на п'есу "Загадкавае начное забойства сабакі".
Фота з сацыяльных сетак
