У Маскве на Рублёўцы падпалілі 9 дарагіх іншамарак
Уначы ў Маскве на Рублёўскай шашы невядомы (ці невядомыя) падпаліў 9 дарагіх іншамарак. Яны знаходзіліся на стаянцы пад аховай каля аднаго з дамоў. 5 новых аўтамабіляў BMW згарэлі цалкам (на іх не было дзяржаўных нумароў). Агнём былі пашкоджаныя яшчэ 4 легкавіка.
Як інфармуе РІА "Новости", на месцы здарэння знайшлі пластыкавую ёмістасць з рэшткамі гаручай вадкасці. Па факце падпалу распачалі крымінальную справу. Высвятляюцца магчымыя матывы здзяйснення злачынства.
Фота: reporter-tv.net
